變形金鋼後記

講真，對於我呢d睇過第一代變形金鋼的一代來講，今次的機械人設定實在實在太… 美式，醜樣都不能，甚至好決心唔睇此戲(不過咪又係睇咗)。總之唔睇由自可，一睇閉家伙，真係非常之精彩呀，故事簡單，節奏明快，加上不斷穿插笑料，真係兩個幾鐘的戲都唔洗去toilet。

機械人放係大銀幕唔係新鮮，以前就有鐵甲威龍同未來警察，不過成棟樓咁大的機械人係鬧市中槍戰，就應該得今次。d 3-D 電腦特技將虛假的變形金鋼完全融入真實的世界中，變形雖然複雜，但又十分華麗同流暢(只限動作，部機仍然超樣衰)，槍戰刺激但又唔會睇到頭暈，機械人同人之間的描寫都好到，男女主角都演得出色。一言以敝之、正!!

當中好記得主角第一次見到大黃蜂時講 “It must be Janpanese!!”，你睇你睇日本的機械人文化對人影響有幾深遠，可能主角都係機戰迷呀。

呼籲未睇的男士，尤其是鍾情真實系的朋友，一定要睇，因為變形金鋼係真實系(笑)，未睇的女士，尤其是唔like機械人的，更加要睇，因你會從此愛上(笑)。

插個 Official Website 比大家望望先，正!