優閒London 5日遊 第一，二日

第一日 ARRIVAL

乘坐左13小時飛機, 終於到左LONDON HEATHROW機場．揀左方便的HEATHROW EXPRESS直達PATTINGDON STATION，開心地發現酒店就在STATION隔離，可惜走入去被告知唔係，我地BOOK的係HYDE PARK分店，於是走去兩條街外的分店，頓時覺得好幸運，HYDE PARK呢間靚好多．又可惜走入去CHECK IN時被告知此間分店已客滿，要去番PATTINGDON分店……即係頭先走錯O個間WOR……今次有個酒店職員幫手拎行李行返去，要唔要俾TIPS LEI? 一路都諗緊， 終於都俾左1磅，唔知夠唔夠TIM．

 

安頓下來喇，間酒店都好舒適，間房布置都幾好．好TIRED，除左沖涼訓覺，咩都做唔到喇．

第二日 BUCKINGHAM PALACE + BRITISH MUSEUM

早上起身梗係食HOTEL的 BREAKFAST BUFFET．可揀的唔多，基本上幾款火腿＋幾款面包＋幾款JAM & BUTTER，飲品有橙汁，西柚汁，乳酪．另有幾款FRUITS．當然少不了兩壺ENGLISH TEA．由於旅行書上寫去餐廳一定要俾１０％　TIPS, 難題又來啦，免費的早餐應該俾幾多LEI? 最後係…無俾到, HAHA, 原因係BUFFET係自己SERVE自己(呢個係我自己作的理由)．

 

走在ＬＯＮＤＯＮ的街頭，真係好舒服AR．空氣清新（比起香港），街道寬闊，無Ｏ個種人來人往的逼切感．仿佛天地大左好多．連的士俾人的感覺都古典優雅．

 

去坐UNDERGROUND喇，排好長隊BUY TICKET．為免麻煩，都係 TWO ONE DAY TRAVEL CARDS．對於遊客來說，呢個最方便，不用擔心搞錯而惹上麻煩．之後的事實證明，這是非常明智的，因為經常搞錯車站．

 

去BUCKINGHAM PALACE應該在GREEN PARK落車, 我地就落錯左, 在QUEEN’S PARK落左．好心的地鐵女職員主動來幫我地．．．

 

11點先到BUCKINGHAM PALACE，這裏是熱門的景點，女王會在這裏檢閱她的儀丈隊．因此布滿遊客，由於黎得遲左，無搵到個靚位，唯有企在人群中間．但由於外國人實在高大喇，而我太細粒．只係睇到士兵高帽的頂端ＪＡＲ，臨走Ｏ個陣見到Ｄ士兵離開，中間交接的儀式就一Ｄ都睇唔到呀．

 

LUNCH時間到，估下我地食咩？門口的熱狗呀，又熱又平，在這種零度左右的天氣，實在是太適合喇．ＹＵＭＭＹ　ＹＵＭＭＹ！

 

下午去到BRITISH MUSEUM, 大英博物館．聞名已久，的確不虛此行．走一次便如穿越歷史長河，不得不驚嘆其展館之大與展品之全．若細心欣賞，非三日都無可能完成．對於我地呢類走馬觀花之人，便在半日內匆匆略過．

 

好的東西太多，不能一一盡錄，暫時show兩張相la^^

埃及雕像

 

                                                                                                  希臘神殿（模擬重建版）

順帶提一句，館內大部分地方都能夠隨意影相，實在夠大方．不知是否因為其聲名唔怕別人睇左相唔黎，亦或係好多展品都非其本土產物．一直都咁樣不停行，其實係好辛苦ＡR，不過精神上應該滿足ＧＵＡ．

 

夜晚諗住食好Ｄ，於是在HOTEL的餐廳食．可惜好快發現這個選擇是不明智的．食物賣相佳，不過味道頗差，也許是我地唔識欣賞．第一日行程結束。